Fagseminaret 2025: Musea sitt arbeid med seterkultur og tradisjonsmat

Seksjon for immateriell kulturarv, Valdres Folkemuseum, Fagernes  19. og 20. august 2025

Årets seminar har matkultur som tema, og i samband med at norsk seterkultur i desember vart skriven inn UNESCO si liste over immateriell kulturarv, blir det spesielt retta fokus mot dette.

Det blir

• Utflukt til Stølsviddas levende støylsmiljø
• Foredrag om setring i historisk perspektiv, immateriell kulturarv på museum, Nordisk seterkultur og UNESCO og matkultur
• Formidlingsaktivitetar på museumsstølen på Valdres folkemuseum
• Speakers corner med eksempel frå museumssektoren

Setring har djupe røter i norsk jordbrukshistorie. På 1800-talet, då seterdrifta var på sitt mest omfattande i Noreg, var over 50 000 setre i bruk. I løpet av 1900-talet har talet på setre i drift gått kraftig tilbake. I dag er det anslått at det berre er 6–700 setre som framleis har drift basert på produksjon av mjølkeprodukt.

Fleire museum tek i dag ansvar knytt til å bevare og formidle seterkulturen i Noreg. Gjennom ulike aktivitetar bidrar dei til å halde kunnskapen om setertradisjonar levande. Vi vil på seminaret belyse dei ulike grepa som blir gjort av musea for å halde seterkulturen i hevd, og kva utfordringar musea opplev. Vi vil også sette eit litt breiare fokus på mogelegheiter og utfordringar musea møter i arbeidet med å ta vare på immateriell kunnskap knytt til tradisjonelle matrettar og produksjonen av desse.

Sjå detaljert program her

Deltakaravgift: 1500 kr per pers inkluderer alle foredrag, utflukt og måltider.  Det blir felles transport til og frå Stølsvidda.

Påmeldingsfrist 16. juni til styreleder i seksjonen, Anne Kristin Moe annmoe@misf.no

Deltakarane ordnar sjølv reise og overnatting. Merk at vi startar tidleg på dag 1.

Hotell Scandic Valdres i Fagernes: https://www.scandichotels.no/hotell/norge/fagernes/scandic-valdres

PROGRAM:

Dag 1

09.00   Velkommen ved seksjonen og vertsmuseet

09.15   Immateriell kulturarv på museum, Anne Kristin Moe Fitje

09.45   Nordisk seterkultur og UNESCO. Kva definerar vi som setring i dag?, Knut Ola Storbråten

10.15: Pause

10.30   Setring i historisk perspektiv, Jostein Sande

11.00   Matkultur, Annechen Bahr Bugge

11.30: Avreise til Stølsvidda

12.30   Lunsj på Stølsvidda

Stølsvidda er eit stort samanhengande stølsområde på fjellet mellom Valdres og Hemsedal. Kulturlandskapet er karakteristisk for stølsområda i store deler av Valdres, med konsentrerte stølsgrender med hus, inngjerda stølsvollar og omkringliggande beitelandskap. Stølsvidda fekk status som utvalt kulturlandskap i jordbruket i 2018.

13.15   Besøk på setre i drift
Demonstrasjon av lokking

16.30   Avreise frå Stølsvidda til Fagernes

19.00  Middag på Valdres Folkemuseum

Dag 2 

09.00 -11.30   Museumsstølen på Valdres folkemuseum

• Praktiske øvingar: kinning; separering; ta ut ost
• Omvisning i fleire seterhus

11.30 – 12.15  Speakers corner: Matkultur på museum. Eksempel frå museumssektoren.

                           Vi tek i mot korte innlegg frå deltakarane om tema (avtal på førehand).

12.15-12.45    Vi runder av og oppsummerer temaet: Setring som immateriell kulturarv og setring på museum. Innspel, erfaringar og spørsmål.

13.00               Lunsj og heimreis