Konferanse: «Fjellets verdi»

Torsdag 12. mai på Valdres Folkemuseum

Lengselen til naturen er stor for mange, men draumen om eit liv til fjells er ikkje den same no som før. I gamledagar var det budeielivet som dominerte på stølane. I dag er det puddersnø og vennelag som dreg folk til fjells. Kva håp og draumar ber dei på, dei som i dag finn vegen til fjellet; til stølar, hytter, leilegheiter og hotell?

Bakgrunn:
Frå Norsk kulturråd har Valdresmusea, Lillehammer Museum og Randsfjordmuseet fått støtte til studie av forvaltarretten i norske støls- og utmarksområde. I prosjektet undersøkjer vi korleis støls- og utmarksområda vart forvalta før i tida, korleis denne forvaltinga er utøvd i dag, og vi stiller spørsmål om kva som vil vere ei hensiktsmessig forvalting i framtida. Prosjektet har fått namnet «Eit skigardsdele». Fortidsminneforeningen, Naturvernforbundet, Norsk seterkultur, Universitetet i Oslo og Valdres Natur- og Kulturpark er samarbeidspartar.

Konferansen:
Tema for konferansen er fjellets verdiar. Kva er økonomisk og kjenslemessig verdi for nokon – og tap av dei same verdiane for andre? Kva står på spel – og for kven – når endringane skyt fart? Fagpersonar frå heile landet skal drøfte, berike og belyse ein tematikk og debatt som i liten grad elles romar nyanserer og eit mangfald av stemmer. Velkomen!

Fullstendig program finn du her: Fjellets verdi – program – Valdresmusea

Fakta:
STAD: Valdres Folkemuseum

TID: Torsdag 12. mai 2022

MÅLGRUPPE: Alle med interesser for utviklinga i fjellet

PRIS: Kr 800 (inkl. lunsj)

DIGITALT: Arrangementet vil òg bli streama

ARR: Valdresmusea, Randsfjordmuseet og Lillehammer museum

PÅMELDINGSFRIST: 28. april

FOREDRAGSHOLDERE:

Tor Arnesen, forskar i Østlandsforskning
Jon Halvor Midtmageli, ordførar i Øyer
Arve Noreng, dagleg leiar i Leve Hytter
Gaute Brochmann, arkitekturkritikar, redaktør i tidsskriftet Arkitektur N
Ola Fjeldheim, generalsekretær i Fortidsminneforeningen
Sigurd Hverven, stipendiat i filosofi ved NTNU
Mari Synnøve Stakston, konservator ved Lillehammer museum
Ulf Ullring, nasjonalparkforvaltar i Langsua Nasjonalpark
Rolf Erik Poppe, arealplanleggar i Nord-Aurdal kommune
Kristina Skåden, førstekonservator ved Lillehammer museum
Tom Bratrud, amanuensis ved Universitetet i Oslo