- Dette arrangement har allerede funnet sted.
SEMINAR OM SKEIV BYGDEHISTORIE
13. oktober 2022 // 09:00 - 17:00
28. august mottok Karoline og Tina Granum eit hatbrev som skremde – og som sette sinna i kok. Ei veke seinare mobiliserte valdrisane i sitt fyrste Pride-arrangement, og viste for seg sjølv og verda at ein også i fjellbygda oppunder Jotunheimen skal få elske den ein vil. For kva skjer når menneske får hatbrev som reduserer menneskeverdet, som skil eit menneske frå eit anna, mellom dei som får høyre til og dei som må stå utanfor? Sume tek kanskje til motmæle, men mange trekker seg unna, blir redde, melder seg ut og legg begrensingar på seg sjølv. Hatske haldningar er farlege – og dei kan bli eit demokratisk problem. Hatbrevet og Pride-markeringa på Fagernes 3. september dannar eit alvorleg bakteppe for seminaret Skeiv bygdehistorie – som blir arrangert på Valdres Folkemuseum torsdag 13. oktober. Foto: Kåre Strande, Avisa Valdres.
SEMINAR OM SKEIV BYGDEHISTORIE
STAD: Valdres Folkemuseum
TID: 13. oktober 2022
Valdresmusea og Randsfjordmuseet arrangerer for andre gong seminar om skeiv bygdehistorie. Tema er dei skeive livshistoriene; til sjøs, til fjells, på teaterscenen, og blant dei som stelte krøttera på stølane og heime på garden. I arkiv og kjelder finn vi spor etter menneske – og skeive liv – i alle yrke, i alle bransjar og til alle tider. Kan forteljingane i arkiva hjelpe oss til å forstå fortidsmenneska på nye måtar? Kan dei skeive fortidsliva funke som førebilete også for oss som lever i dag? Det er også mogleg å delta digitalt, men om du kjem på museet får du også oppleve teaterforestilling, god mat og gode samtaler. Meld deg på snarast!
For program og påmelding, sjå: https://valdresmusea.no/skeiv-bygdehistorie-2022
Den anerkjente norsk-sudanske kunstnaren Ahmed Umar kjem òg til seminaret for å fortelje om arbeidet med den norsk-sudanske bunaden sin. Denne er for tida stilt ut som del av utstillinga «Fargerike fellesskap – kvitt raseri» på Valdres Folkemuseum. Foto: Signe Fuglesteg Luksengard.