Seksjon for immateriell kulturarv inviterer til seminar 16.-17.september om bruk av natur og musea sitt arbeid med dette. Gudbrandsdalsmusea og Norsk fjellsenter er vertskap og årets seminar blir på fjellsenteret i Lom nasjonalparklandsby.
I fjellområda rundt Lom har over 3000 gjenstandar smelta ut av isbrear og fonner dei siste 15 åra. Dei eldste er over 6000 år gamle. Desse spora har danna utgangspunkt for mykje av museet sitt arbeid med immateriell kulturarv. På seminaret får du innblikk i korleis menneske har brukt fjellandskapet og korleis ein arbeider med denne kulturarven i dag.
Program Bruk av natur på museum
Påmelding
Seminaravgift kr. 1100,- . Denne dekker foredrag, lunsj og middag. Tur til klimaparken kjem i tillegg og kostar kr. 345 pr. pers. Denne bestillast samtidig som påmelding.
Påmelding til thea@norskfjellsenter.no innan 15. august. Hugs å oppgi fakturaadresse og evt. omsyn til mat. Overnatting og transport bestillast separat.
Overnatting
Vi har avtale med Fossheim hotell i Lom om overnatting. Overnatting i dobbeltrom kostar kr. 395 pr. pers. Overnatting i enkeltrom kostar kr. 680 pr. pers. Overnatting bestillast og betalast av kvar einskild. Ved bestilling oppgi reservasjonsnummer: 109078 NMF Seminar
Transport
Til Lom kjem ein anten med bil eller buss. Det går tog til Otta som ligg om lag ein time frå Lom. Fjellovergangane brukar vere opne på denne tida. Her er oversyn over aktuelle rutetider:
Til Lom måndag 16. september:
Tog Oslo – Otta: 08.08 – 11.32 Buss Otta – Lom: 11.57 – 13.04
Frå Lom tysdag 17. september: Buss Lom – Otta: 15.10 – 16.05 Tog Otta – Oslo: 16.27 – 20.04
Alternativt transport for dei som skal vere med i klimaparken
Buss Lom – Otta: 17.20 – 18.25
Tog Otta – Oslo: 18.38 – 22.04
